Mariya SHarapovaning faoliyatiga bir nazar + FOTOGALEREYA

U faoliyati davomida millionlab muxlislar orttirdi. Hozir SHarapovaning faoliyatiga bir nazar solamiz.

“Uimbldon”-2004

17 yoshli Mariya finalda tennis yulduzi Serena Uilyamsni «yanchib» tashlagandi. Bu SHarapovaning ilk «Ulkan toj» sovrini bo'lgandi.

US Open-2006

Mariya US Open - 2006 turnirida ikkinchi «Katta dubulg'a» sovrinini yutib olishga erishdi. U chempionlik yo'lida o'sha vaqtning dunyoning birinchi va ikkinchi raqamli tennischilari — Ameli Moresmo va Jyustin Enenni mag'lub etishni uddaladi.

Australian Open-2008

2008 yilgi Avstraliyadagi musobaqada u hech kimga hech qanday imkoniyat qoldirmadi. Turnir davomida bitta ham setni boy bermadi. CHempionlik yo'lida uchta top besh vakilalarini taslim etishni uddaladi.

“Rolan Garros”dagi dubl              

Mariya faoliyatining boshida juda ko'p bor qumli kortlar u uchun emasligini, bunday kortlar unga ancha qiyinchilik tug'dirishini takidlagan. Lekin aynan shu musobaqada SHarapova ikki marta bosh sovringa ega chiqqan.

Umumiy sovrinlar

Mariya SHarapova umumiy hisobda 35 marta WTA musobaqalarida zafar quchgan. Faoliyatini yakunlamaganlar orasida bu to'rtinchi ko'rsatkich hisoblanadi.

Jarohatlar

Mariya SHarapova 2008 yildan buyon jarohatlar bilan harakat qiladi. O'shanda u ilk bor elkasi sababli jarrohlik stoliga yotdi. Ilk operaciyadan so'ng SHarapovaning elkasidagi og'riq to'liq faoliyati davomida taqib qilib keldi.

U doim Rossiya uchun

Mariya hayotining katta qismini AQSHda o'tkazdi. Tennisga ilk qadamidan tortib, faoliyatini boshini ham okeanortida o'tkazdi. Unga juda ko'p bor fuqarolikni almashtirishni taklif qildi. Lekin... U Rossiyani sevdi, uning uchun Rossiya ona vatan bo'lib qolaverdi. SHarapova Rossiya terma jamoasi tarkibida London-2012 olimpiya o'yinlarida ishtirok etdi va yakkalik bahslarida kumush medalni qo'lga kiritdi.

Go'zallik

No Comment!