Marrey Madriddagi chempionlik uchun olgan pulini xayriya qiladi

Britaniyalik tennischi Mutua Madrid Open Virtual Pro turnirida qo'lga kiritgan mukofot pullarini xayriya ishlariga sarflashini malum qildi.

"O'ylashimcha, virtual turniridagi ishtirokimiz kimgadir qiziq bo'ldi. To'g'ri, virtual o'yin haqiqiysining o'rnini bosmaydi. Ammo, hech bo'lmasa shu yo'l bilan tennis zavqini muxlislarga ulasha oldik. Bu turnirdan ishlab topgan mablag'imning yarmini Britaniya Milliy sog'liqni saqlash xizmatiga yo'naltiraman. Qolgan qismini esa reytingi past bo'lgan tennischilarimizni qo'llab-quvvatlash uchun sarflaymiz", - dedi Marrey o'zining Twitter sahifasida.