Martin Klijan: "Istomin kuchli va xavfli raqib"

Toshkent vaqti bilan soat 17:00da ushbu musobaqaning yakkalik bahslaridagi final uchrashuvi boshlanadi. Unda hamyurtimiz Denis Istomin slovakiyalik Martin Klijanga qarsha kortga chiqadi. Final oldidan Klijan o'z fikrlarini bildirdi.

“O'ylaymanki, bugungi final muxlislarga har tomonlama yoqadi. Finalda har qanday natija qayd etilishi mumkin. Denis - kuchli va shu bilan birga xavfli raqib! Finalda har ikkimiz ham bosim ostida o'ynaymiz. Sabrsizlik bilan sovrin uchun kechadigan uchrashuvni kutyapman”, - dedi Klijan. 

Taqqoslash uchun, Denis Istomin jahon reytingida 95, Martin Klijan esa 112-o'rinni egallab turibdi. Tennischilar shu kungacha o'zaro uch marotaba to'qnash kelishgan. Ikki bor Denis, yana bir uchrashuvda Martin g'alaba qozongan.