Match-boldan chiqib ketgan Istomin Avstriya turnirining asosiy to'riga yo'l oldi

Hamyurtimiz saralashning birinchi raketkasi sifatida qayd etilgandi. Denis saralashning yarim finalida franciyalik Elliot Benchetritni ikki setda ortiqcha qiyinchiliksiz mag'lub etgan egandi. 

Istomin hozirgina yakuniga etgan saralashning final uchrashuvida braziliyalik Tyago Monteyroga qarshi kortga chiqdi. Dramatik kechgan uchrashuv 2 soatu 19 daqiqa davom etdi va yakunda Denis raqibini 6:1, 6:7(7), 7:5 hisobida mag'lub etishning uddasidan chiqdi. 

Etiborlisi shundaki, Tyago hisob 5:4 bo'lib turgan pallada match-boldan foydalana olmadi. Raqibining geymini yutib olgan Denis hisobni tenglashtirdi va keyinchalik ketma-ket yana ikkita geymda zafar quchdi. Istomin asosiy to'rda!

Taqqoslash uchun, Istomin dunyo reytingida 90-o'rinni egallab turibdi. Monteyro esa 146-pog'onadan joy olgan. Ikki tennischi shu kungacha o'zaro uchrashuvlarda to'qnash kelishmagan edi. Bugun Denis hisobni ochdi.