Mayami. 20 yoshli Iga Svyontek "Masters" finaliga chiqdi

Jahonning ikkinchi raketkasi polshalik Iga Svyontek turnirning yarim finalida WTA reytingida 21-o'rinni egallab turgan amerikalik Jessika Pegulani 6/2, 7/5 hisobida mag'lub etdi va finalga yo'l oldi. 

1 soatu 50 daqiqa davom etgan uchrashuvda 20 yoshli Svyontek uchta eysni amalga oshirib, to'pni o'yinga kiritishda ikki marta xatoga yo'l qo'ydi va oltita breyk-poyntni qayd etdi, 28 yoshli Pegula esa bitta eys zarbasini amalga oshirib, ikki bor qo'shxatoga yo'l qo'ydi va uchta breykdan unumli foydalandi. Sportchilarning o'zaro uchrashuvlarida hisob tenglashdi, 1:1.

Miami Open musobaqasi finalida Svyontek yaponiyalik Naomi Osakaga qarshi bahs olib boradi.