24 mar 11:41
Yangiliklar

Tennis

Mayami “Masters”. Istomin 19-raketkaga qarshi kortga chiqadi

Mamlakatimizning birinchi raqamli tennischisi Denis Istomin Mayamida o'tkazilayotgan “Masters” turkumiga kiruvchi turnirdagi ishtirokini g'alaba bilan boshlagan edi.

Hamyurtimiz 1 soatu 38 daqiqa davom etgan ilk davra bahsida serbiyalik Miomir Kechmanovichni 7:5, 6:4 hisobida mag'lub etgandi. Bugun Denis ikkinchi bosqichda ispaniyalik Pablo Karreno-Bustaga qarshi kortga chiqadi. Ushbu uchrashuv Toshkent vaqti bilan soat 00:30da boshlanadi.

Taqqoslash uchun, Denis Istomin dunyo reytingida 85, Kechmanovich esa 179, Busta esa 19-o'rinni egallab turibdi. Tennischilar shu kungacha uch marotaba to'qnash kelishgan. Bahslarning ikkitasida Busta, yana birida Istomin g'alaba qozongan. Denis o'sha yagona g'alabasini o'tgan yili Avstraliya Ochiq chempionatida qo'lga kiritgan edi.