09 avg 10:28
Yangiliklar

Tennis

Medvedev “Masters”ning chorak finaliga chiqdi

Kanadaning Monreal shahrida “Masters” seriyasiga kiruvchi nufuzli turnir davom etmoqda.

Rossiyalik tennischi Daniil Medvedev musobaqaning chorak finaliga yo'l oldi. Dunyoning to'qqizinchi raketkasi 1/8 final uchrashuvida chililik Kristian Garinga qarshi bahs olib bordi.

Medvedev 69 daqiqa davom etgan bahs yakunida reytingning 36-pog'onasidan joy olib turgan raqibini 6/3, 6/3 hisobida taslim etdi. Endi Daniil Rogers Cup turnirining 1/4 finalida avstriyalik Dominik Timga qarshi kortga chiqadi.