08 noy 11:58
Yangiliklar

Tennis

Medvedev Paris Masters finalida o'ynaydi

Parij shahrida o'tkazilayotgan tennis bo'yicha "Masters" seriyasiga kiruvchi turnir o'zining hal qiluvchi pallasiga kirdi.

Musobaqaning yarim final uchrashuvida sayyoramizning beshinchi raketkasi Daniil Medvedev reytingning 17-pog'onasini egallab turgan kanadalik Milosh Raonichni 6/4, 7/6(4) hisoblarida mag'lub eta oldi.

Bir soatu 37 daqiqa davom etgan bahsda 24 yoshli Medvedev 7 ta, 29 yashar Raonich esa 12 ta eys zarbani amalga oshirdi. Tennischilarning o'zaro ikkinchi uchrashuvida ham rossiyalik raketkasi ustasining qo'li baland keldi.

Bugun Daniil Medvedev Rolex Paris Masters turnirining bosh sovrini uchun germaniyalik Aleksandr Zverevga qarshi kortga chiqadi. Olmon tennischisi yarim finalda grunt qiroli, dunyoning ikkinchi raketkasi Rafael Nadalni shov-shuvli tarzda mag'lubiyatga uchratdi.