12 sen 07:26
Yangiliklar
Tennis
Medvedev US Open finali ostonasida to'xtatildi
AQSHning Nyu-York shahrida o'tkazilayotgan tennis bo'yicha "Katta Dubulg'a" turkumiga kiruvchi US Open turniri o'z yakuni sari yaqinlashmoqda.
"Billi Jin King Neshional Tennis Senter" kortida musobaqaning erkaklar o'rtasidagi yarim final uchrashuvlari bo'lib o'tdi. Rossiyalik Daniil Medvedev dunyoning uchinchi raketkasi, avstriyalik Dominik Timga qarshi kortga chiqdi.
Ikki soatu 56 daqiqa davom etgan bahs yakunida Dominik 6/2, 7/6(7), 7/6(5) hisoblarida g'alaba qozonib, finalga yo'l oldi. Medvedev uchrashuv davomida 12, Tim esa 2 ta eys zarbani amalga oshirdi. Tim o'z faoliyatida ilk bor US Open finalida o'ynaydi. SHu yil u Australian Open finalida Novak Jokovichga yutqazib qo'ygandi.
Havola :
Fikrlar