27 dek 15:43
Yangiliklar

Formula-1

“Mersedes” Rikkardoga qiziqish bildiryapti

“Formula-1” musobaqalaring Konstruktorlar bahsida chempionlikka erishgan “Mersedes” jamoasi o'z safiga Daniel Rikkardoni qo'shib olishni maqsad qilgan.

Bu malumotni “Mersedes” jamoasi boshqaruvchisi Toto Volff ham tasdiqladi. Volffning aytishicha, bu transfer 2019-yilgi mavsumda amalga oshishi mumkin.

“Lyuis Xemilton va Valtteri Bottas o'rtasida o'ziga xos raqobat yuzaga kelgan. Bu ikki sportchi kelasi mavsumda ham jamoamiz sharafini himoya qiladi. Lekin 2019 yilga borib vaziyat o'zgarishi mumkin. Daniel Rikkardo safimizni to'ldirishi mumkin. Ammo bu mavzuga keyinroq qaytamiz”, – dedi Volff.

Eslatib o'tamiz, “Mersedes” jamoasining Lyuis Xemilton va Valtteri Bottas bilan shartnomasi mavsum-2018 yakunida tugaydi. Rikkardoning “Red Bull” bilan kelishuvi ham aynan shu paytga yakunlanadi.