17 jan 09:30
Yangiliklar

Tennis

Mertens Xobartda 3 soatu 33 daqiqalik match o'tkazdi

Avstraliyaning Xobart shahrida o'tkazilayotgan WTA turniri o'zining hal qiluvchi pallasiga kirdi.

Dunyoning 17-raketkasi Elize Mertens yarim final ostonasida ishtirokini to'xtatdi. Belgiyalik tennischi 3 soatu 33 daqiqa davom etgan chorak final uchrashuvida britaniyalik Xizer Uotsonga yutqazib qo'ydi - 7/6(5), 4/6, 5/7.

Uchrashuv davomida 24 yoshli Elize 4, 27 yashar Xizer esa 2ta eys zarbasini amalga oshirdi. Reytingning 101-pog'onasini egallab turgan Uotson ilk bor bu raqibasini mag'lub etgan - 3:1. Bugun Xizer Hobart International turnirining yarim finalida avstraliyalik Lizett Kabrerdan ustun kelgan qozog'istonlik Elena Ribakinaga qarshi kortga chiqadi.