12 iyu 08:33
Yangiliklar

Tennis

Mertensning Xertogenbosdagi kutilmagan mag'lubiyati

Gollandiyaning Xertogenbos shahrida tennis bo'yicha maysa qoplamali WTA turniri davom etmoqda.

Dunyoning 21-raketkasi Elize Mertens kutilmaganda ilk davra uchrashuvidayoq mag'lubiyat alamini totib ko'rdi. Belgiyalik tennischi reytingning 52-pog'onasidan joy olgan rossiyalik Ekaterina Aleksandrovga yutqazib qo'ydi.

Etmish daqiqa davom etgan uchrashuvda Katya nomdor raqibasini 6/4, 6/2 hisobida taslim etdi. Bu tennischilarning o'zaro ilk uchrashuvi edi. Endi Aleksandrova Libema Open turnirining ikkinchi davrasida yana bir belgiyalik tennischi Isalin Bonavantyurga qarshi kortga chiqadi.