Miami Open. Eshli Barti Svitolinani to'xtatdi

Sayyoramizning birinchi raqamli tennis malikasi Eshli Barti Miami Open turnirining hal qiluvchi finaliga yo'l oldi. Avstraliyalik tennischi reytingning beshinchi pog'onasidan joy olib turgan ukrainalik Elina Svitolinani mag'lubiyatga uchratdi - 6/3, 6/3.

Bir soatu 27 daqiqa davom etgan bahsda Eshli 7 ta, Elina esa 2 ta eys zarbasini amalga oshirdi. O'zaro uchrashuvlarda hamon Svitolina 5:2 hisobida oldinda bormoqda.