Miami Open. Ostapenko g'alaba bilan boshladi

Dunyoning 54-raketkasi Elena Ostapenko Miami Open turniridagi ishtirokini g'alaba bilan boshladi. Latviyalik tennis malikasi ilk davrada reytingning 135-pog'onasidan joy olib turgan xitoylik Syu Vandan ustun keldi - 6/4, 6/7(4), 6/1.

Ikki soatu 12 daqiqa davom etgan bahsda Elena 2 ta, Syu esa 3 ta eys zarbasini amalga oshirdi. Bu tennischilarning o'zaro o'tkazgan ilk uchrashuvi edi. Endi Ostapenko Mayami turnirining ikkinchi bosqichida amerikalik Elison Riskega qarshi kortga chiqadi.