23 sen 20:20
Yangiliklar

Boshqalar

Milliy antidoping agentligi Qarshi OZK o'quvchilari uchun onlayn seminar o'tkazdi

Teglar : Antidoping

Xabaringiz bor, O'zbekiston Respublikasi Vazirlar Mahkamasi huzuridagi Milliy antidoping agentligi tashkil etilgan edi.

Ayni damda, mazkur agentlik tomonidan sport federaciyalari va klublari tibbiyot xodimlarining malakasini oshirishga ko'maklashish, ularga sportda doping qo'llanilishining oldini olish va antidoping nazoratini amalga oshirish borasida uslubiy yordam ko'rsatish, talim dasturlarini amalga oshirish, sog'lom va halol sportning targ'iboti bo'yicha say-harakatlar olib borilmoqda.

Joriy yilning 23 sentyabr kuni mazkur Agentlik xodimlari tomonidan Qashqadaryo viloyati Turizm va sport bosh boshqarmasi majlislar zalida Qarshi olimpiya zaxiralari kolleji murabbiylari va o'quvchilari uchun onlayn seminar tashkil etildi.

Ushbu onlayn seminar jarayonida Milliy antidoping Agentligi mutaxassislari sportda doping qo'llanilishining oldini olish va dopingga qarshi kurashish sohasida faollik ko'rsatishlari lozimligiga alohida to'xtalib o'tishdi.

Seminar ishtirokchilari mutaxassislardan o'zlarini qiziqtirgan savollarga javob olishdi.

Ilhom RAHMONOV tayyorladi