14 sen 08:05
Yangiliklar

Boshqalar

Mintaqaviy antidoping agentligi (RADOCA) hisobot yig'ilishining ochilish marosimi bo'lib o'tdi

O'zbekiston Respublikasi Prezidentining 2023 yil 8 maydagi "Mamuriy islohotlar doirasida O'zbekiston Respublikasi Milliy antidoping agentligi faoliyatini samarali tashkil qilish chora-tadbirlari to'g'risida"gi PQ–149-sonli qarori qabul qilingan edi.

Mazkur qaror bilan Agentlikka qator vazifalar yuklatilgan.

Jumladan, O'zbekiston Respublikasi Milliy antidoping agentligi mezbonligida joriy yilning 13-14 sentyabr kunlari bo'lib o'tishi rejalashtirilgan Mintaqaviy antidoping agentligi (RADOCA) hisobot yig'ilishi mezbonligi mamlakatimizga ishonib topshirilgan edi.

Kecha mazkur nufuzli tadbirning ochilish marosimi bo'lib o'tdi. Unda, Yoshlar siyosati va sport vaziri A.Ikramov kirish so'zi bilan tadbirni ochib berdi. O'zbekiston Milliy antidoping agentligi direktori A.Sadikov yig'ilish ishtirokchilariga mamlakatimizda ko'rib turganidan bag'oyat xursand ekanligini bildirdi.

SHuningdek, Milliy olimpiya qo'mitasi Bosh kotibi O.Kasimov, Butunjahon antidoping agentligi (WADA) bosh menejeri E.Lukotsiutelar ham so'zga chiqib, tadbir yuzasidan iliq fikrlar bildirishdi. SHundan so'ng esdalik uchun suratga tushish marosimi bo'lib o'tdi va sessiya o'z ishini boshladi.

Bir vaqtning o'zida O'zbekiston Milliy antidoping agentligi xodimlari va Qozog'iston hamda Mo'g'ulistondan tashrif buyurgan xodimlarga Butunjahon antidoping agentligi mutaxassislari tomonidan trening mashg'uloti ham o'tkazilmoqda.