18 may 10:33
Yangiliklar

Tennis

Mladenovich Rimda Mariya Sakkariga yutqazdi

Dunyoning 63-raketkasi Kristina Mladenovich Rim turniridagi ishtirokini yakunladi.

Franciyalik tennischi chorak final uchrashuvida greciyalik Mariya Sakkariga imkoniyatni boy berib qo'ydi. Reytingning 39-pog'onasidan joy olgan Sakkari 2 soatu 1 daqiqa davom etgan bahsda raqibasini 5/7, 6/3, 6/0 hisobida engdi.

Bu tennischilarning rasmiy uchrashuvlardagi o'zaro ilk to'qnashuvi edi. Endi Mariya Internazionali BNL d'Italia turnirining yarim finalida chexiyalik Karolina Plishkovaga qarshi kortga chiqadi.