Monfis Eshtorildagi ishtirokini yakunladi

Franciyalik tennischi Gael Monfis kutilmaganda turnirning 1/4 final bosqichida mag'lubiyatga uchradi. Dunyoning 18-raketkasi bo'lib turgan Monfis reytingning 167-pog'onasidan joy olgan ispaniyalik Alexandro Davidovich Fokinaga yutqazdi. 

Ikki soatu 14 daqiqa davom etgan bahsda Gael raqibiga 7/6(2), 5/7, 4/6 hisobida imkoniyatni boy berdi. Bu tennischilarning o'zaro ilk rasmiy uchrashuvi edi. Fokina Millennium Estoril Open turniri bosh sovrini uchun kurashni davom ettiradi.