21 apr 20:41
Yangiliklar

Tennis

Monte-Carlo Masters. Fonini chempion va 958 000 dollar egasi!

Monako Knyazligining Monte-Karlo shahrida o'tkazilgan nufuzli Rolex Monte-Carlo Masters turniri yakuniga etdi.

Hal qiluvchi final uchrashuvida turnirda 10-raqam ostida saralangan italiyalik Fabio Fonini serbiyalik Dushan Layovichga qarshi kortga chiqdi. Bir soatu 38 daqiqa davom etgan bahsda Fabio 6/3, 6/4 hisobida g'alaba qozondi.

Rolex Monte-Carlo Masters turniridagi g'alabasi evaziga 31 yoshli tennischi 1000 reyting ochkosi hamda 958 000 AQSH dollari miqdoridagi mukofot puliga ega bo'ldi.

Malumot uchun, bu g'alaba Fonining ATP turnirlaridagi sakkizinchi, "Masters"dagi birinchi g'alabasi hisoblanadi.