21 apr 09:02
Yangiliklar

Tennis

Monte-Carlo Masters. Grunt qiroli “sochib” tashlandi

Monte-Karlo shahri mezbonlik qilayotgan “Masters” seriyasiga kiruvchi nufuzli tennis turniri o'zining hal qiluvchi pallasiga kirdi.

Dunyoning birinchi raketkasi Novak Jokovichdan so'ng ikkinchi raqam ostida tasniflangan Rafael Nadal ham shov-shuvli tarzda musobaqadagi ishtirokini yakunladi. Grunt qiroli yarim finalda Fabio Foniniga imkoniyatni boy berib qo'ydi.

Ispaniyalik tennis yulduzi dunyoning 18-raketkasi bo'lib turgan Foniniga 1 soatu 36 daqiqa davom etgan bahsda 4:6, 2:6 hisobida yutqazdi. Endi Fabio Rolex Monte-Carlo Masters turnirining bosh sovrini uchun serbiyalik Dushan Layovichga qarshi kortga chiqadi.