Mugurusa finaldagi g'alaba sabab 522,450 dollar ishlab oldi

WTA Premier 5 toifasiga kiruvchi Western & Southern Open turnirining sovrin jamg'armasi 2 million 536 ming 154 dollarni tashkil qildi. Turnirning hal qiluvchi final uchrashuvida ispaniyalik Garbine Mugurusa ikkinchi raqam ostida harakat qilgan ruminiyalik Simona Xalepga qarshi kortga chiqdi.

Final bahsi 57 daqiqagina davom etdi. Reytingda raqibidan pastroqda joylashganiga qaramay, Mugurusa 6:1, 6:0 hisobida zafar quchdi. Bir haftalik muvaffaqiyatli ishtirok Garbinega 522 ming 450 dollar mukofot puli hamda 900 reyting ochkosini keltirdi.