08 apr 08:16
Yangiliklar

Tennis

Mugurusa Monterreyda tengsiz bo'ldi

Meksikaning Monterrey shahrida tennis bo'yicha WTA turniri yakunlandi.

Abierto GNP Seguros turnirining final uchrashuvida dunyoning 19-raketkasi Garbin Mugurusa belaruslik Viktoriya Azarenkoga qarshi kortga chiqdi. Hal qiluvchi final uchrashuvi kutilmaganda ikkinchi setning to'rtinchi geymidan so'ng to'xtatildi.

Birinchi setda ispaniyalik tennischi 6:1 hisobida zafar quchdi. Garbin ikkinchi setda ham 3:1 hisobida oldinda borayotgandi. Lekin aynan shu pallada Azarenko jarohati sabab baxsni davom ettira olmasligini bildirdi.