Mukofot jamg'armasi 200 000 000 bo'lgan “Uzbekistan Judo Tour”da g'olib va sovrindorlar aniqlandi + FOTO

Mazkur nufuzli sport tadbiri O'zbekiston Respublikasi Prezidentining sport sohasini rivojlantirish, yoshlar o'rtasida sog'lom turmush tarzini keng targ'ib etish hamda milliy sport turlarining ommaviyligini oshirishga qaratilgan qarorlari ijrosi doirasida o'tkazildi.

Terma jamoaga nomzod ko'plab dzyudochilarni jamlay olgan Qarshidagi katta dzyudo bayram yuqori saviyada tashkil etildi. Arenaga kelgan muxlislar dzyudo ustalarining mahoratidan bahramand bo'lishdi. 

Musobaqaning umumiy mukofot jamg'armasi 200 million so'mdan iborat bo'lib, chempionlar medal va diplomdan tashqari 22 million, kumush medal egalari 14, bronza medal sohiblari esa 7 million so'mdan pul mukofoti bilan taqdirlanishdi.

O'z vazn toifalarida Abdurahim Nutfulloev, Muso Sobirov, Fazliddin Rafiqov va So'g'diyona Rafkatova chempionlikk shohsupasiga ko'tarilishdi.

G'olib va sovrindorlar:

-73 kg vazn toifasi

1. Abdurahim Nutfulloev (Toshkent viloyati)

2. Nizomiddinxo'ja Toshpo'latov (Surxondaryo)

3. Muhammadyahyo Muhammadjonov (Toshkent shahri)

3. Javohirbek Saparov (Toshkent viloyati)

-90 kg vazn toifasi

1. Muso Sobirov (Xorazm)

2. Azizbek Avazmurodov (Toshkent shahri)

3. Ramazon Allaberdiev (Toshkent shahri)

3. SHerbek Rashidov (Qashqadaryo)

+90 kg vazn toifasi

1. Fazliddin Rafiqov (Toshkent shahri)

2. Qahramon Rahmonov (Qashqadaryo)

3. Muhammadqodir Mansurov (Toshkent viloyati)

3. Muhammadali Tangriev (Toshkent viloyati)

-52 kg vazn toifasi

1. So'g'diyona Rafkatova (Xorazm)

2. Sevinch Murodova (Jizzax)

3. Umida Jumaniyazova (Qoraqalpog'iston)

3. Halimajon Qurbonova (Xorazm)