20 dek 09:18
Yangiliklar

Tennis

Mumbaydagi o'zbek derbisida Albina Niginadan ustun keldi

Hindistonning Navi Mumbay shahrida tennis bo'yicha “Fyuchers” turkumiga kiruvchi turnir davom etmoqda.

Navi Mumbay turnirining juftliklar musobaqasida o'zbekistonlik tennischilar o'zaro to'qnash kelishdi. Musobaqaning chorak final uchrashuvida Ekaterina Yashina bilan ikkinchi raqamli juftlikni hosil qilgan hamyurtimiz Albina Xabibulina g'alabaga erishdi.

Albina va Ekaterina yana bir tennischimiz Nigina Abduraimova hamda qirg'izistonlik Kseniya Palkina hamkorligiga qarshi kortga chiqib, 7:6(7), 6:4 hisobida zafar quchishdi. Endi ular final chiptasi uchun bahs olib borishadi.