Murabbiylar uchun bepul talim resurslari

Ushbu platformada 340 mingtadan ko'proq nazariy materiallar – videodarslar, tennis sporti bo'yicha eng so'nggi ilmiy tadqiqotlar natijalari bayon qilingan nazariy maqolalar joylashtirilgan. Bundan tashqari ITF Akademiya birinchi marotaba onlayn kurslarni ham taqdim etdi.

Mazkur onlayn kurslari sportchilarni tayyorlashning barcha bosqichlarini – “Strategiya va taktikaga kirish”dan boshlab “Trener etikasi”gacha bo'lgan mavzularni qamrab olgan. Bundan tashqari har hafta kurslar mavzulariga yangi maruzalar kiritiladi. Ular, jumladan “Maqsadni belgilash”, “Ota-onalar tennisda”, “Talim uslubiyoti” kabi kurslarni ham qamrab olgan.

Platformaga 13 tildagi ITFning 150 tadan ko'proq elektron kitoblari ilova qilingan. Ular ichida nihoyatda mashhur hisoblangan “Trenerlar uchun mukammal qo'llanma”ham bor.

– Bugungi kunda sport jahonda eng ustuvor o'rinni egallab turmayotgan bo'lsa ham, biz taqdim etayotgan talim resurslari juda ko'p mutaxassislar uchun foydali bo'ladi degan umiddaman, – deydi Xalqaro tennis federaciyasining prezidenti Devid Xaggerti. – Ular paydo bo'lgan imkoniyatdan foydalangan holda o'z mahoratlarini oshirishlari mumkin. Platformamiz faqat trenerlar uchungina emas, shuningdek o'yin texnikasini oshirish niyatida bo'lgan yosh tennischilarga ham asqotadi.