30 apr 08:04
Yangiliklar
Tennis
Mutua Madrid Open. Emma Radukanu g'alaba bilan boshladi
Ispaniya poytaxti Madrid shahrida tennis bo'yicha nufuzli WTA turniri davom etmoqda.
Britaniyalik tennis malikasi Emma Rajukanu Mutua Madrid Open musobaqasidagi ishtirokini g'alaba bilan boshladi. Sayyoramizning 11-raqamli tennis malikasi ilk davra uchrashuvida WTA reytingida 49-pog'onadan joy olib turgan chexiyalik Tereza Martincovani mag'lub etdi - 7/6(3), 6/0.
To'qson sakkiz daqiqa davom etgan bahsda 19 yoshli Emma 2 ta, Tereza esa 1 ta eys zarbasini ijro etgan. Tennischilar o'zaro ikkinchi marotaba to'qnash kelishdi - 2:0. Qizig'i, birinchi setda Radukanu 2/5 hisobida yutqazayotgandi. Endi u ikkinchi davrada ukrainalik Marta Kostyukka qarshi kortga chiqadi. Marta ilk bosqichda daniyalik Klara Tausondan 6/3, 6/2 hisobida ustun kelgan.
Havola :
Manba : gotennis
Fikrlar