Nadal ATP Yakuniy turnirini mag'lubiyat bilan boshladi

2017 yilgi tennis mavsumini yakunlab beruvchi ushbu nufuzli musobaqada dunyoning eng kuchli sakkiz nafar raketka ustalari ikki guruhda bosh mukofot uchun bahslarga kirishishgan.

Londondagi “O2 Arena” korti mezbonlik qilayotgan turnirda kecha ikkita uchrashuv o'tkazildi. Kutilmaganda dunyoning birinchi raketkasi Rafael Nadal ettinchi raqam ostida tasniflangan belgiyalik David Goffenga 6:7, 7:6, 4:6 hisobida yutqazib qo'ydi.