Nadal ishtirok etmaydigan ATR Yakuniy turniriga qura tashlandi

Malumki, Yakuniy turnirda dunyo reytingining kuchli sakkiztaligidan joy olgan raketka ustalari bosh sovrin uchun bahslarga kirishishadi. Kecha Londonda ushbu nufuzli musobaqaga qura tashlash marosimi o'tkazildi. 

Birinchi guruhdan Novak Jokovich, Aleksandr Zverev, Marin CHilich va Jon Izner joy olishdi. Amerikalik Izner dunyoning birinchi raketkasi ispaniyalik Rafael Nadalning o'rnini egalladi. Nadal jarohati sabab turnirda qatnashmaslikka qaror qilgandi.

Ikkinchi guruhda esa Rojer Federer, Kevin Anderson, Kei Nishikori va Dominik Tim o'zaro bahs olib borishadi. Argentinalik Xuan Martin Del Potroning o'rnini esa yaponiyalik Kei Nishikori egalladi. 

Mana shu sakkiz tennischidan biri turnirga qadar jarohat olsa yoki boshqa sabab bilan musobaqada qatnashishdan bosh tortsa, ularning o'rnini xorvatiyalik Borna CHorich hamda rossiyalik Karen Xachanov to'ldirishadi. Aynan shu ikki raketka ustasi zaxira tennischilari sifatida etirof etildi.