Nadal “Masters”dagi yurishini to'xtatishga majbur bo'ldi

Bunga ispaniyalik raketka ustasining jarohati sabab bo'ldi. Nadal chorak final uchrashuvida saralash bahslari g'oliblaridan biri serbiyalik Filipp Krainovich bilan uchrashishi kerak edi. Lekin tizzasidagi jarohat Rafaga kortga chiqishiga imkon bermadi.

“Men Londondagi yilning Yakuniy turniriga tayyor holatda borish uchun bor imkoniyatimni ishga solaman. Aslida bundan avvalgi uchrashuvlarimni ham tizzamdagi og'riq bilan o'tkazdim. Endi tavakkal qila olmayman”, – dedi Nadal.

Eslatib o'tamiz, har qanday holatda ham Rafael Nadal 2017 yilni dunyoning birinchi raketkasi sifatida yakunlaydi.