02 noy 08:15
Yangiliklar

Tennis

Nadal Parij “Masters” 1/2 finalida!

Franciya poytaxti Parij shahrida tennis bo'yicha “Masters” seriyasiga kiruvchi nufuzli turnir davom etmoqda.

Sayyoramizning ikkinchi raketkasi Rafael Nadal musobaqaning yarim final ishtirokchisiga aylandi. Ispaniyalik tennis yulduzi chorak final uchrashuvida reytingning 35-pog'onasidan joy olgan franciyalik Jo-Vilfrid Congadan ustun keldi.

Grunt qiroli 1 soatu 35 daqiqa davom etgan bahsda mezbon tennischini 7/6(4), 6/1 hisobida mag'lub etdi. Bu vaqt oralig'ida 33 yoshli Nadal 7, 34 yashar Conga esa 8 ta eys zarbasini amalga oshirdi. O'zaro uchrashuvlardagi hisob Nadal foydasiga - 11:4 ko'rinishiga keldi. Endi Rafa Rolex Paris Masters turnirining 1/2 finalida kanadalik Denis SHapovalovga qarshi kortga chiqadi.