06 noy 10:06
Yangiliklar

Tennis

Nadal Parij "Masters"da ikkinchi uchrashuvini o'tkazdi

Franciya poytaxti Parij shahrida "Masters" seriyasiga kiruvchi nufuzli tennis turniri davom etmoqda.

Dunyoning ikkinchi raketkasi Rafael Nadal musobaqadagi uchinchi davra uchrashuvini o'tkazdi. Ispaniyalik tennischi reytingning 61-pog'onasidan joy olib turgan avstraliyalik Jordan Tompsonni 6/1, 7/6(3) hisoblarida mag'lubiyatga uchratdi.

Rafa 1 soatu 33 daqiqa davom etgan bahs davomida 3 ta, 26 yashar Tompson esa 7 ta eys zarbasini amalga oshirdi. Bu tennischilarning ilk rasmiy uchrashuvi edi. Endi 34 yoshli Nadal Rolex Paris Masters turnirining chorak finalida vatandoshi Pablo Karreno-Bustaga qarshi kortga chiqadi.