14 mar 07:16
Yangiliklar

Tennis

Nadalning Indian-Uellsdagi yurishi davom etadi

Dunyoning ikkinchi raketkasi Rafael Nadal Indian-Uells shahri mezbonlik qilayotgan “Masters” turnirining chorak finaliga chiqdi.

Ispaniyalik tennischi BNP Paribas Open turnirining to'rtinchi bosqichida serbiyalik Filip Krayinovichga qarshi kortga chiqdi. Bir soatu 26 daqiqa davom etgan uchrashuvda Nadal reytingning 113-pog'onasidan joy olgan raqibini 6/3, 6/4 hisobida mag'lubiyatga uchratdi.

Rafael bahs davomida ettita eys zarbasini amalga oshirdi. Bu tennischilaning o'zaro ilk uchrashuvi bo'ldi. Endi Nadal chorak finalda amerikalik Jon Iznerni mag'lub etgan rossiyalik Karen Xachanovga qarshi kortga chiqadi.