07 iyu 12:34
Yangiliklar
Tennis
Namangan “Fyuchers”. Abduraimova chorak finalga chiqdi
Bugun Namangan shahri mezbonlik qilayotgan tennis bo'yicha “Fyuchers” turkumiga kiruvchi turnirning ikkinchi davra uchrashuvlari bo'lib o'tmoqda.
Sovrin jamg'armasi 25 000 AQSH dollarni tashkil qiluvchi musobaqaning xotin-qiz tennischilari o'rtasidagi bahslarida uchinchi raqam ostida tasniflangan Nigina Abduraimova hozirgina yakuniga etgan uchrashuvda chorak final chiptasini qo'lga kiritdi.
Hamyurtimiz ikkinchi davrada gruziyalik Maryam Bolkvadzega qarshi kortga chiqdi. Ikki soatu 9 daqiqa davom etgan uchrashuvning uchinchi seti beshinchi geymidan so'ng Bolkvadze bahsni davom ettira olmasligini malum qildi.
Birinchi setda gruziyalik tennischi 6:4 hisobida g'alaba qozongan edi. Ikkinchi setda Nigina tay-brekda zafar quchdi. Hal qiluvchi uchinchi setning beshinchi geymidan so'ng Abduraimova 3:2 hisobida oldinda borayotgandi.
Havola :
Manba : olamsport.com
Fikrlar