06 iyu 08:31
Yangiliklar

Tennis

Namangan “Fyuchers”. Abduraimovada ham g'alaba!

Xabar berganimizdek, Namangan shahridagi “Do'stlik” kortlarida tennis bo'yicha “Fyuchers” turkumiga kiruvchi turnir bo'lib o'tmoqda.

Sovrin jamg'armasi 25 000 AQSH dollarini tashkil qiluvchi ushbu musobaqaning yakkalik bahslarida ishtirok etayotgan yana bir hamyurtimiz Nigina Abduraimova ilk davra uchrashuvida g'alabaga erishdi.

Turnirning to'rtinchi raketkasi sifatida qayd etilgan Nigina Abduraimova birinchi bosqich bahsida saralash musobaqasi g'olibalaridan biri qirg'izistonlik Kseniya Palkinadan 6:0, 6:2 hisobida ustun keldi.

Endi Nigina chorak final chiptasi uchun Go'zal Aynitdinovaga qarshi qarshi kortga chiqadi. Qozog'istonlik tennischi birinchi bosqichda vatandoshi Ekaterina Dmitrichenkoni 6:2, 6:1 hisobida mag'lub etdi.