Namangan “Fyuchers”. Sabina SHaripova bosh mukofot sohibasi!

Hozirgina sovrin jamg'armasi 25 000 AQSH dollarini tashkil qiluvchi ushbu musobaqaning xotin-qiz tennischilari o'rtasidagi yakkalik bahslarida chempion nomi malum bo'ldi. 

Quvonarlisi, hal qiluvchi final uchrashuvida hamyurtimiz Sabina SHaripova g'alaba qozonib, bosh mukofot sohibasiga aylandi. Turnirda birinchi raqam ostida tasniflangan SHaripovaning raqibasi Irina SHimanovich bo'ldi. 

Uch daqiqasi kam 1 soat davom etgan final bellashuvida SHaripova SHimanovichni 6:1, 6:1 hisobida mag'lub etib, Namangan “Fyuchers” chempioniga aylandi. Sabina o'tgan hafta Andijondagi turnirda ham bosh mukofotni qo'lga kiritgandi. 

Taqqoslash uchun, Sabina SHaripova dunyo reytingida 169, 20 yoshli Irina SHimanovich esa 518-o'rinni egallab turibdi. Kecha Sabina yarim finalda yana bir yurtdoshimiz Nigina Abduraimovani uch set natijasiga ko'ra taslim eta olgandi.