06 iyu 08:09
Yangiliklar

Tennis

Namangan “Fyuchers”. SHaripova g'alaba bilan boshladi

Namangan shahridagi “Do'stlik” kortlarida tennis bo'yicha “Fyuchers” turkumiga kiruvchi turnir bo'lib o'tmoqda.

Sovrin jamg'armasi 25 000 AQSH dollarini tashkil qiluvchi ushbu musobaqaning yakkalik bahslarida ikkinchi davra ishtirokchilari malum bo'ldi. Turnirning birinchi raketkasi sifatida qayd etilgan hamyurtimiz Sabina SHaripova o'z ishtirokini g'alaba bilan boshladi.

Mamlakatimizning birinchi raqamli tennischisi birinchi bosqich uchrashuvida rossiyalik Anastasiya Frolovaga qarshi kortga chiqdi. Uch set davom etgan bahsda SHaripova raqibasini 2:6, 6:4, 6:2 hisobida mag'lub etdi.

Endi Sabina chorak final chiptasi uchun yana bir rossiyalik tennischi Ekaterina Vishnevskayaga qarshi kortga chiqadi. Vishnevskaya ilk davrada belaruslik Ilona Kremendan 6:2, 6:3 hisobida ustun keldi.