Namangan “Fyuchers”. SHaripovaning ilk raqibasi malum

Bugun sovrin jamg'armasi 25 000 AQSH dollarini tashkil qiluvchi ushbu musobaqada saralash bahslari yakunlanib, asosiy to'rga yo'llanma olgan barcha tennischilarning nomi malum bo'ladi. Kecha tashkilotchilar asosiy to'rga qura tashlashdi.

Unga ko'ra, turnirning birinchi raketkasi sifatida qayd etilgan hamyurtimiz Sabina SHaripova ilk davrada rossiyalik Anastasiya Frolovaga qarshi kortga chiqadi. Imtiyozli yo'llanma asosida asosiy to'rga qo'yilgan Arina Folc yana bir rus tennischisi, turnirning sakkizinchi raketkasi Anna Morgina bilan to'qnash keladi. 

Valentina SHleyn bolgariyalik Yuliya Terziska, Setora Normurodova rossiyalik Darya Krujkovaga qarshi kortga chiqadi. Turnirda to'rtinchi raqam ostida tasniflangan Nigina Abduraimovaning raqibasi saralash turniri g'olibalaridan biri bo'ladi.