Namangan viloyati hokimi voleybol musobaqasida o'z mahoratini sinab ko'rdi

Musobaqada jami 20 jamoa hamda 200 nafar yoshlar ishtirok etmoqda. Musobaqa Namangan viloyati hokimi SHavkatjon Abdurazzoqovning ramziy zarbasi bilan boshlandi.

Norin tumani bolalar va o'smirlar sport maktabining «Olimp» zalida esa voleybol bo'yicha yoshlar o'rtasida tuman hokimi kubogi bo'lib o'tmoqda. Musobaqada jami 8ta jamoa ishtirok etmoqda. Etiborlisi, viloyat hokimi voleybol musobaqalarida maydonga tushdi va o'z mahoratini sinab ko'rdi.

SHuningdek, «Hokim kubogi» musobaqalari doirasida bolalar va o'smirlar sport maktabida shaxmat bo'yicha musobaqalar ham o'tkazilmoqda. Viloyat hokimi ushbu musobaqalarni ham kuzatdi. Takidlash joiz, shaxmat musobaqalarida 70 nafardan ortiq yoshlar o'z zakovatini namoyish etmoqda.

Tadbir doirasida Namangan viloyati hokimi SH.Abdurazzoqov yaqinda o'tkazilgan mamlakat chempionatlarida g'oliblikni qo'lga kiritgan norinlik sportchilar, jumladan taekvondo WTF bo'yicha Gulsanam Alijonova hamda yunon-rum kurashi bo'yicha O'zbekiston chempioni bo'lgan Asadbek Hojievni erishilgan muvaffaqiyatlari bilan samimiy muborakbod etib, ularga esdalik sovg'alari topshirdi.