Namanganda "Raketamodel" sportiga etibor

O'zbekiston Respublikasi Prezidenti SH.Mirziyoev tomonidan "Sportning texnik va amaliy turlarini yanada rivojlantirish" bo'yicha berilgan topshiriqlariga asosan sportning texnik va amaliy turlarini keng targ'ib qilish, rivojlantirish va ommalashtirish maqsadida O'zbekiston mudofaasiga ko'maklashuvchi "Vatanparvar" tashkiloti Namangan viloyati kengashi tasarrufidagi CHust tuman o'quv sport texnika klubida yangi tashkil etilgan hamda zamonaviy uslubda jihozlangan "Aviamodel" va "Raketamodel" sport sekciyasining tantanali ochilish marosimi o'tkazildi. Yangi tashkil etilgan ushbu sekciyada Qozog'iston Respublikasida o'tkazilgan Jahon Kubogi musobaqasida oltin medalni qo'lga kiritgan sportchi N.Zayliddinov murabbiyligi ostida mashg'ulotlar olib boriladi. Ushbu tadbirda Namangan viloyat jismoniy tarbiya va sport boshqarmasi boshlig'i SH.Koraboev, CHust tuman hokimi o'rinbosari Z.Boyboev, "Nuroniy" jamg'armasi CHust tuman bo'limi vakili A.G'ofurov, "Vatanparvar" tashkiloti fahriysi A.Abdugafforov, CHust tumanidagi harbiy licey o'quvchilari va OAV xodimlari ishtirok etdilar. Tadbirda "Vatanparvar" tashkiloti sport texnikalarining ko'rgazmali chiqishlari namoyish etildi.