09 sen 08:39
Yangiliklar

Tennis

Naomi Osaka US Open-2018 turniri g'olibasi!

AQSHning Nyu-York shahrida "Katta Dubulg'a" turkumiga kiruvchi US Open musobaqasining xotin-qiz tennischilari o'rtasidagi turniri yakunlandi.

Hal qiluvchi final uchrashuvida dunyoning 19-raketkasi Naomi Osaka WTA reytingida 26-o'rinni egallab turgan amerikalik Serena Uilyamsga qarshi kortga chiqdi.

Bir soatu 19 daqiqa davom etgan bahsda 20 yoshli yaponiyalik tennischi 36 yoshli nomdor raqibasini ortiqcha qiyinchiliksiz 6:2, 6:4 hisobida mag'lub etib, bosh mukofot sohibasiga aylandi.