03 sen 10:38
Yangiliklar

Tennis

Naomi Osaka US Open chempionligini himoya qila olmadi

AQSHning Nyu-York shahrida "Katta Dubulg'a" turkumiga kiruvchi US Open turniri davom etmoqda.

Sayyoramizning birinchi raqamli tennis malikasi Naomi Osaka nimchorak final uchrashuvida shveycariyalik Belinda Benchichga imkoniyatni boy berib qo'ydi. Yaponiyalik tennischi reytingning 12-pog'onasidan joy olgan raqibasiga 5/7, 4/6 hisobida yutqazdi.

Uchrashuv 1 soatu 26 daqiqa davom etgan. 21 yoshli Osaka AQSH Ochiq chempionatining amaldagi g'olibasi edi. 22 yoshli Benchich o'zaro uchrashuvlarda 3:1 hisobida oldinga chiqib oldi.