National Bank Open. Simona Xalepda kutilmagan mag'lubiyat

Kutilmaganda sayyoramizning 13-raqamli tennis malikasi Simona Xalep ilk uchrashuvidayoq mag'lubiyat alamini totib ko'rdi. Ruminiyalik tennischi ikkinchi davra bahsida WTA reytingining 28-pog'onasidan joy olib turgan amerikalik Daniel Kollinzga imkoniyatni boy berib qo'ydi - 6/2, 4/6, 4/6.

Besh daqiqasi kam uch soat davom etgan uchrashuvda 29 yoshli Xalep 5 ta, 27 yashar Kollinz esa 7 ta eys zarbasini amalga oshirdi. Tennischilarning o'zaro uchrashuvlaridagi hisob muvozanati tiklandi - 1:1. Endi Kollinz National Bank Open turnirining uchinchi davrasida hamyurti Jessika Pegulaga farshi kortga chiqadi.