Navro'z kuni tug'ilgan va ilk WTA sovrinini Toshkentda qo'lga kiritgan Karolina xonim! FOTOMAQOLA

Karolina Plishkova - 1992 yilning 21 mart kuni CHexiyaning Louni shahrida dunyoga kelgan. Plishkova to'rt yoshidan tennis bilan shug'ullanib keladi. Professional faoliyatini 2009 yilda boshlagan. 

Faoliyati davomida 16 ta WTA turnirlarining yakkalik bahslarida chempion bo'lgan. Juftlik bahslarida esa 5 bor chempionlik shoxsupasiga ko'tarilgan. Muvaffaqiyatli ishtiroki evaziga 19 million 997 ming 689 AQSH dollari ishlab topgan. 

"Katta Dubulg'a" musobaqalardagi eng yaxshi natijasiga 2016 yilgi US Openda erishgan. O'shanda u finalga qadar etib borgan va Anjelik Kerberga imkoniyatni boy berib qo'ygandi. 

2017 yilning 14 avgustida WTA reytingida birinchi o'ringa ko'tarilgan va olti hafta davomida etakchilik qilgan. Hozirda chexiyalik tennis malikasi WTA reytingida uchinchi o'rinni egallab turibdi.

Etiborga molik jihati shundaki, chexiyalik tennischi ilk WTA sovrinini Toshkentda qo'lga kiritdi. Plishkova 2016 yilgi "Tashkent Open" turnirida bosh mukofot sohibasiga aylangandi. U bir soatu 46 daqiqa davom etgan final uchrashuvida yaponiyalik Nao Xibinoni 6:3, 2:6, 6:3 hisobida mag'lub etgan edi. 

Tennischi bo'sh vaqtlarida baliq ovini, kino ko'rishni, kitob o'qishni va musiqa eshitishni yaxshi ko'radi. 

SHuningdek, Karolinaning egizak singlisi ham bor. U ham professional tennischi. Kristina Plishkova hozirda WTA reytingida 92-o'rinda bormoqda.

Qo'shaloq bayram muborak, Karolina xonim!