Nigina 197 daqiqa davom etgan bahsdan so'ng finalga chiqdi

Ushbu musobaqada hamyurtimiz Nigina Abduraimova ham muvaffaqiyatli ishtirok etyapti. Mamlakatimizning birinchi raqamli tennischisi turnirda ikkinchi raqam ostidan tasniflangan.

Hamyurtimiz hozirgina yakuniga etgan yarim final uchrashuvida zafar quchdi. Asosiy kortda kechgan va 3 soatu 17 daqiqa davom etgan bahsda Nigina turnirning uchinchi raketkasi koreyalik Su Jeon Jangni 7:5, 4:6, 7:5 hisobida mag'lub etdi.

Abduraimovaning bosh mukofot uchun kechadigan bahsdagi raqibasi turnirning birinchi raqamli tennischisi xitoylik Fangjou Liu bo'ladi. Mezbon raketka ustasi bugun yaponiyalik Akiko Omaeni ikki setda ham bir xil 6:3 hisobida taslim etdi.