30 avg 14:27
Yangiliklar

Tennis

Nigina Abduraimova ham chorak finalga chiqdi

Xabar berganimizdek, Qozog'istonning Almati shahrida tennis bo'yicha “Fyuchers” turkumiga kiruvchi turnirning asosiy to'r bahslari davom etmoqda.

Sovrin jamg'armasi 25 000 AQSH dollarini tashkil qiluvchi musobaqada bir guruh tennischi qizlarimiz ham o'z imkoniyatlarini sinovdan o'tkazishyapti. Hozirgina ulardan biri Nigina Abduraimova ikkinchi davra uchrashuvida g'alabaga erishdi.

Mamlakatimizning ikkinchi raketkasi Almati turnirida birinchi raqam ostida harakat qilyapti. U belaruslik Irina SHimanovich 2 soatu 26 daqiqa davom etgan bahsda mag'lub etdi. Aniqrog'i, uchinchi setning oltinchi geymidan so'ng Irina bahsni davom ettira olmasligini malum qildi.Birinchi setda Nigina 6:3 hisobida g'alaba qozongan edi. Ikkinchi setda SHimanovich 6:2 hisobida zafar quchgandi.