29 noy 11:42
Yangiliklar

Tennis

Nigina Abduraimova Tailandda birinchi raketkani mag'lub etdi

Tailandning Nontaburi shahrida tennis bo'yicha ayollar o'rtasida mukofot jamg'armasi 15 000 AQSH dollarini tashkil etuvchi turnir davom etmoqda.

“Fyuchers” turkumiga kiruvchi musobaqada hamyurtimiz Nigina Abduraimova ham muvaffaqiyatli tarzda ishtirok etmoqda. U hozirgina yakuniga etgan chorak final uchrashuvida g'alabaga erishdi.

Abduraimova 1 soatu 40 daqiqa davom etgan bahsda turnirning birinchi raketkasi, xitoylik Meyki Guoni 2:6, 6:2, 6:3 hisobida mag'lub etdi va yarim finalga yo'l oldi. Endi Nigina final chiptasi uchun koreyalik Su Nam Jeongga qarshi kortga chiqadi.