Nigina mashhur Radvanskani mag'lub etib, yarim finalga chiqdi

Musobaqaning mukofot jamg'armasi 50 ming AQSH dollarini tashkil etadi. Hamyurtimiz hozirgina yakuniga etgan chorak final uchrashuvida polshalik mashhur tennischi Ursula Radvanskani mag'lubiyatga uchratib, yarim finalga yo'l oldi.

Uch set davom etgan uchrashuvda Nigina kuchli raqibasini 6:0, 2:6, 7:6 hisobida dog'da qoldirdi. Ursula dunyo reytingida to'rtinchi o'rinni egallab turgan Agneshka Radvanskaning singlisi xisoblanadi. 25 yoshli Ursula o'z vaqtida WTA reytingida 29-o'ringacha ko'tarilgan.

Taqqoslash uchun, Niginaning eng yuqori reytingi 144-o'rinni tashkil qiladi. Hozirda Abduraimova reytingda 177, Ursula esa 228-o'rinni band etgan. Endi hamyurtimiz ertaga turnirning yarim finalida polshalik Luksika Kumxumga qarshi kortga chiqadi. Bu tennischi bugun musobaqada ikkinchi raqam ostida harakatlangan yaponiyalik Kurumi Narani 7:5, 2:6, 6:0 hisobida mag'lub etdi.