Novak Jokovich 2500 dollar jarimaga tortildi

Serbiyalik tennischi Qatar poytaxti Doha shahrida o'tkazilgan nufuzli turnirning hal qiluvchi final uchrashuvida sportga xos bo'lmagan harakatlarini namoyish etgandi.

Jokovich to'pni jahl ustida muxlislar tomonga urib yuborgandi. To'p esa muxlislarning biriga tekkandi. Xalqaro tennis federaciyasi bu holatni beetibor qoldirmadi.

Eslatib o'tamiz, Novak Dohadagi turnir finalida dunyoning birinchi raketkasi britaniyalik Endi Marreyni 6:3, 5:7, 6:4 hisobida mag'lub etib, bosh mukofotni qo'lga kiritish barobarida chempionlik unvonini himoya qilgan edi.