Novak Jokovich: "Federerga yana bir o'yin o'tkazishimiz uchun qaytishi kerakligini aytdim"

"Ko'pchilik uni yaxshi ko'rishini va uni juda iliq kutib olishini aytdim. Bundan tashqari, Federer yana bir o'yin o'tkazishimiz uchun qaytishi kerak. U ham shunday deb o'ylaydi.

U kortga kirganida nima bo'lganini hammamiz ko'rdik: odamlar unga mehr va hurmat ko'rsatib, o'rinlaridan turib kutib olishdi. U afsona. Faoliyatim davomida u mening asosiy raqiblarimdan biri bo'lib kelgan. Uning turnirlarni o'tkazib yuborishini ko'rish g'alati, lekin u so'nggi bir necha yil davomida jarohatlardan azob chekyapti. Uning o'zi uchun ham "Uimbldon"da boshqa rolda bo'lishi g'ayrioddiy holat.

Uning o'ynashda davom etishi tennis uchun juda muhim”, - deya Jokovichning so'zlaridan iqtibos keltirdi jurnalist Sasha Ozmo o'z Twitter sahifasida.