03 iyu 19:13
Yangiliklar

Nukusda qo'l jangi bo'yicha professionallar o'rtasida Xalqaro turnir yakunlandi

Teglar : Qo'l jangi

Xalqaro turnirga dunyoning turli mamlakatlaridan kelgan professional sportchilarga qarshi hamyurtlarimiz ishonchli janglar olib borishdi.

Xususan, -55 kg vazn toifasida Milliy gvardiya harbiy xizmatchisi, joriy yilgi Jahon chempionati g'olibi Maftuna Quvondiqova rossiyalik raqibasi Diana Saadullaeva ustidan ishonchli g'alabaga erishdi.

-60 kg vaznda esa IIV xodimi, Toshkentda o'tkazilgan Jahon chempionati sovrindori SHahboz Tursunov rossiyalik sportchi Arsen Mutachaevga qarshi ringga chiqdi va unda hamyurtimizning qo'li baland keldi.

-65 kg vazn toifasida Milliy gvardiya harbiy xizmatchisi, Xalqaro turnirlar sovrindori Nurpeys Karlibaev ozarbayjonlik sportchi Ruslan Mammadovni mag'lubiyatga uchratdi.

-70 kg vaznda IIV xodimi, Jahon chempioni Olim Normurodov Ukraina terma jamoasi azosi Evgeniy Mkrtchan ustidan g'alaba qozondi.

-75 kg vazn toifasida yana bir Milliy gvardiya harbiy xizmatchisi, Xalqaro turnirlar g'olibi SHerzod Jumanazarov Kamerundan tashrif buyurgan sportchi Tonleu Nguefak ustidan ishonchli g'alabaga erishdi.

Nihoyat +75 kg vaznda IIV xodimi, Jahon chempionati sovrindori Jahongir Jumaev ham beloruslik raqibi Yuriy Bubachkinni mag'lub etdi.

Nufuzli Xalqaro musobaqada g'oliblikni qo'lga kiritgan barcha sportchilarimizni samimiy muborakbod etib, ularga kelgusi faoliyatlarida ulkan zafarlar tilaymiz.